پاکستان سپر لیگ (پی ایس ایل) کے فائنل سے قبل چیئرمین پشاور زلمی جاوید آفریدی کی جانب سے پورے اسکواڈ کے اعزاز میں دعوت اہتمام کیا گیا۔

دعوت میں پشاور زلمی ٹیم کے لیے روایتی پشاوری کھانے دم پخت، نمکین گوشت اور کراچی کی بریانی بھی تیار کروائی گئی۔

پشاور زلمی کے کپتان ڈیرن سیمی، لیام ڈاسن، وین میڈسن، کرس جارڈن سمیت تمام غیر ملکی کھلاڑیوں نے دم پخت، نمکین گوشت اور بریانی کا بھرپور لطف اٹھایا۔

اس موقع پر پشاور زلمی کے تمام پاکستانی کرکٹرز، کوچز اور مینجمنٹ نے بھی موجود تھے۔