اور ایسا کیوں نہ ہو، آخر 65 سال کی عمر میں 30 سے 35 سال کا نظر آنا حیران کن نہیں تو اور کیا ہے۔

جی ہاں واقعی یہ خاتون 65 سال کی ہیں، مگر ایسا لگتا ہے کہ جسم پر عمر بڑھنے کے اثرات رک چکے ہیں اور اب بھی یقین کرنا مشکل ہے کہ ان کی عمر 30 سے 35 سال کے درمیان نہیں۔

ویسے تو اس کے پیچھے جینیاتی عناصر کا ہاتھ تو ہوگا ہی مگر اس خاتون کے جوان رہنے کے پیچھے ان کی اپنائی ہوئی چند چیزیں بھی ہیں، جس کے مختلف نکات خود انہوں نے بتائے۔

متحرک رہنا

عمر کی دوسری یا تیسری دہائی جیسی جسافت کے باعث یہ حیران کن نہیں کہ کرسٹی برینکلے جسمانی طور پر بہت زیادہ متحرک رہتی ہیں، ان کے بقول 'عمر بڑھنے کے ساتھ یہ بہت زیادہ اہمیت رکھتا ہے، کیونکہ جب آپ جسمانی طور پر کم متحرک ہوتے ہیں تو جسم بھی اتنی تیزی سے بڑھاپے کا شکار ہوتا ہے۔ میں ہمیشہ سے جسمانی طور پر متحرک رہتی ہوں اور ورزش کو معمول بنایا ہے اور اس نے کام بھی کیا'۔

ورک آﺅٹ سے ہٹ کر بھی وہ ڈانس کلاس جانا پسند کرتی ہیں، ٹینس کھیلنا یا اسکائنگ بھی ان کے پسندیدہ مشغلے ہیں۔

درست غذا

کرسٹی کے مطابق اس عمر میں بھی جوان نظر آنے کے لیے ان کی سرفہرست حکمت عملی صحت بخش غذا کا استعمال ہے 'آپ اس بات سے انکار نہیں کرسکتے کہ آپ کی شخصیت کے اظہار کے لیے صحت بخش کتنی اہم ہے'۔

یہ خاتون جوانی سے سرخ گوشت سے دور ہیں اور سبزیاں، مچھلی اور دودھ سے بنی مصنوعات کو ہی غذا کا حصہ بناتی ہیں۔

جلد کا تحفظ

ان کا کہنا ہے کہ ایک دن میں 24 گھنٹے آپ کو ہی اپنی جلد کا خیال رکھنا ہوتا ہے تو آپ اس پر جو کچھ لگاتے ہیں، وہ اہمیت رکھتا ہے۔ انہوں نے بتایا کہ ماڈلنگ میں ہمیں بہت کچھ کرنا پڑتا تھا مگر میں ہمیشہ ایسی مصنوعات کو تلاش کرتی تھی جو میری جلد سے مطابقت رکھتی ہوں اور عمر بڑھنے سے ہونے والے نقصانات کی تلافی کرسکیں۔ اس سلسلے میں انہوں نے ماہرین کی بھی مدد لی۔

مثبت رویہ

کرسٹی کہتی ہیں کہ خوش باش زندگی کے لیے شکرگزاری سے بھرپور رویہ کنجی ہے 'میرے خیال میں اپنے ارگرد کی دنیا کے بارے میں تجسس اور دلچسپی آپ کو دل سے جوان رکھتا ہے'۔

سائنس بھی اس نظریئے کی تصدیق کرتی ہے اور ایک تحقیق میں دریافت کیا کہ مثبت رویہ رکھنا عمر بڑھنے پر بھی جسمانی، ذہنی اور نفسیاتی طور پر شخصیت کو جوان رکھتا ہے۔

مناسب نیند

کرسی کے مطابق رات کی نید کے گھنٹے نمبر سے زیادہ کچھ نہیں مگر 6 سے 7 گھنٹے کی اچھی نیند 8 گھنٹے یا اس سے زائد وقت تک سونے سے زیادہ بہتر ثابت ہوتی ہے، ہر رات نیند کا مخصوص وقت ایک معمول کو ترتیب دیتا ہے جو نیند کے معیار کو بھی بہتر بناتا ہے۔

اپنی خوبصورتی کا خیال

کرسٹی کے مطابق ہر ایک کو اپنا خیال خود ہی رکھنا ہوتا ہے اور نئی چیزوں کو اپنانے سے گھبرانا نہیں چاہئے۔ درحقیقت گلے اور مختلف حصوں کی جلد کو لفٹ اور ٹائٹ رکھنے کے لیے یو آئی تھراپی کی مدد بھی لی اور وہ یہ بتانے سے گھبراتی نہیں۔ ان کا کہنا ہے کہ اگر سائنس اور ٹیکنالوجی آپ کو کچھ دے رہے ہیں تو اسے چھپایا کیوں جائے؟