قومی احتساب بیورو (نیب) نے سابق ڈی پی او گجرات ایس ایس پی رائے اعجاز کو کرپشن کے الزامات پر کراچی سے گرفتار کر لیا۔

نیب ترجمان کے مطابق بیورو نے رائے اعجاز کو کراچی کی شاہراہ فیصل سے گرفتار کیا۔

وہ ڈی پی او گجرات کے علاوہ نواب شاہ میں بطور ایس ایس پی بھی فرائض انجام دے چکے ہیں۔

ترجمان نے کہا کہ رائے اعجاز پر گجرات میں تعیناتی کے دوران 70 کروڑ روپے سے زائد کی کرپشن کا الزام ہے۔

نیب لاہور نے ان کے وارنٹ گرفتاری حاصل کر رکھے تھے جس کے بعد ان کی کراچی سے گرفتاری عمل میں آئی۔

کیس میں مزید گرفتاریوں کا بھی امکان ہے۔