باکسنگ کے شائقین کو اس وقت حیرت کا سامنا کرنا پڑا جب جارجیا کے باکسر نے اپنی شکست تسلیم کرنے سے انکار کرتے ہوئے بدستور رنگ میں موجود رہے جبکہ مداخلت پر اپنے ہی کوچ پر مکے برسانا شروع کردیا۔

بلغاریہ میں منعقدہ مقابلے میں جارجیا کے لیوان شونیا کو میزبان باکسر اسپاس جینو سے شکست کا سامنا کرنا پڑا۔

رپورٹ کے مطابق مقابلے کے آخر میں جب لیوان شونیا کو اپنی شکست کا اندازہ ہوا تو انہوں نے ریفری کے فیصلے کا انتظار کیے بغیر صورت حال کو اپنے ہاتھوں میں لیا۔

لیوان شونیا نے ریفری کا ہاتھ تھامنے کے بجائے جینوو کو مقابلے جاری رکھنے کا چیلنج کرتے رہے۔

ریفری نے آگے بڑھتے ہوئے لیوان شونیا کو پیچھے دھکیلا تو ان کے کوچ بھی رنگ میں داخل ہوئے اور شونیا کو سمجھانے کی کوشش کی لیکن وہ خود ان کا نشانہ بنے۔

کوچ نے اپنے باکسر کو وہاں سے باہر نکالنے کی کوشش کی لیکن باکسر بدستور اپنے حریف کو للکارتے رہے۔

لیوان شونیا جب پیچھے آئے تو کوچ نے ایک مرتبہ انہیں باہر نکالنے کوشش کی تو ان کی جانب ایک مرتبہ پھر زور دار مکا لہرایا تاہم کوچ خوش قسمتی سے بچ گئے۔

خیال رہے کہ لیوان شونیا کو اس مقابلے میں 15-11-0 سے شکست کا سامنا کرنا پڑا تھا۔

جنیووا نے اس کامیابی کے ساتھ ریکارڈ بنا دیا جو ان کی 15 ویں کامیابی ہے جن میں سے 11 ناک آؤٹ کامیابیاں ہیں۔