اپوزیشن کی ہم خیال جماعتوں کی مشترکہ پریس کانفرنس میں دلچسپ صورتحال اس وقت پید ہوئی جب پاکستان پیپلز پارٹی (پی پی پی) کی رہنما شیریں رحمٰن نے کل جماعتی کانفرنس میں کیے گئے فیصلوں سے میڈیا کو آگاہ کرنے کے بعد اچانک پریس کانفرنس ختم کردی۔

پی پی رہنما نے دیگر جماعتوں کے رہنماؤں کے ہمراہ پریس کانفرنس جیسے ہی ختم کی تو وہاں موجود جمعیت علماء اسلام کے مرکزی سیکرٹری جنرل مولانا عبدالغفور حیدری نے آواز بلند کی اور کہا کہ انہیں بھی کچھ بات کرنی ہے۔

اس پر دیگر جماعتوں کے رہنماؤں نے انہیں سمجھانے کی کوشش کی تاہم وہ مسلسل مائیک پر بات کرنے کے لیے زور دیتے رہے۔

صورتحال کو دیکھتے ہوئے شیریں رحمٰن ایک بار پھر آئیں اور انہیں بات مکمل کرنے کو کہا۔