سپریم کورٹ نے قومی اسمبلی کے حلقہ این اے 60 راولپنڈی پر انتخابات ملتوی کرنے کے حوالے سے الیکشن کمیشن پاکستان کی جانب سے جاری کردہ نوٹیفکیشن کو کالعدم قرار دیتے ہوئے ضمنی انتخاب کروانے کا حکم دے دیا۔

عدالت کی جانب سے جاری ہونے والے اس فیصلے کے بعد الیکشن کمیشن نے این اے 60 راولپنڈی کے انتخابات کو ملتوی کرنے کا نوٹیفکیشن جاری کردیا تھا۔

عدالتی حکم کے بعد میڈیا سے گفتگو کرتے ہوئے عوامی مسلم لیگ کے سربراہ شیخ رشید نے واضح کیا کہ این اے-60 سے ہماری طرف سے راشد شفیق لڑیں گے۔

انہوں نے کہا کہ این اے-60 میں تحریک انصاف کے امیدوار کے حوالے سے فیصلہ چیئرمین عمران خان خود کریں گے، جبکہ کل ایک تفصیلی فیصلہ جاری کریں گے۔

واضح رہے کہ مسلم لیگ (ن) کے رہنما حنیف عباسی اس حلقے سے امیدوار تھے، تاہم اسلام آباد کی انسدادِ منشیات عدالت نے انہیں ایفی ڈرین کوٹہ کیس میں مجرم قرار دیتے ہوئے عمر قید کی سزا سنادی تھی۔