عوامی نیشنل پارٹی (اے این پی) کا جمعہ کو پشاور میں ہونے والا جلسہ سیکیورٹی خدشات کی بنا پر منسوخ کردیا گیا۔

اے این پی پشاور ضلعی صدر کے مطابق پشاور کے نمک منڈی بازار میں جمعہ کو اے این پی کا ہونے والا جلسہ منسوخ کردیا گیا ہے۔

ضلعی صدر نے بتایا کہ انتظامیہ نے ہمیں سیکیورٹی خدشات سے آگاہ کیا جس کے بعد مجبوراً جلسہ منسوخ کرنا پڑا۔

جلسے سے عوامی نیشنل پارٹی کے سربراہ اسفندیار ولی خان اور دیگر مرکزی رہنماؤں نے خطاب کرنا تھا۔