پاکستانی سپراسٹار فواد خان اور خوبرو اداکارہ مہوش حیات کو فلم وفیشن میگزین فلم فیئر کے مشرق وسطیٰ کے ایڈیشن کے دوبارہ اجراء کے موقع پر اعزاز سے نوازا گیا۔

دبئی کے بولی وڈ پارکس میں سجی تقریب میں پاکستان و بھارت کے اسٹارز، فیشن ڈیزائنرز و میڈیا پرسنالٹیز نے شرکت کی۔

تقریب میں جہاں بولی وڈ شخصیات کو خصوصی اعزازات سے نوازا گیا، وہیں پاکستانی اداکار فواد خان اور مہوش حیات کو بھی ’آئیکون‘ ایوارڈز سے نوازا گیا۔

تقریب میں فواد خان کو ’سینماٹک آئیکون‘ جب کہ مہوش حیات کو ’پاکستانی آئیکون‘ کے خصوصی اعزاز سے نوازا گیا۔

تقریب میں پاکستانی اداکار فواد خان چھائے رہے، ان کے ساتھ بھارتی فلم ساز کرن جوہر سمیت دیگر بولی وڈ شخصیات ساتھ نظر آئیں۔

جہاں بھارتی اداکارہ دیا مرزا، فواد خان کے ساتھ سیلفی لیتی نظر آئیں، وہیں کرن جوہر بھی ان کے ساتھ خوشگوار موڈ میں نظر آئے۔

فواد خان تقریب میں دیگر افراد کے ساتھ بھی تصاویر کھچواتے نظر آئے۔