اگر تو آپ سام سنگ کے نئے فلیگ شپ فونز گلیکسی ایس 9 اور ایس 9 پلس خریدنا چاہتے ہیں تو اچھی خبر یہ ہے کہ اب ان کی ایڈوانس بکنگ کرانا ممکن ہے۔

سام سنگ کی جانب سے دنیا بھر کے ساتھ ساتھ پاکستان مین بھی یہ دونوں فوز پری بکنگ کے لیے پیش کردیئے گئے ہیں جو دس مارچ تک بک کرائے جاسکتے ہیں جبکہ ان کی ڈیلیوری پندرہ مارچ کے بعد ہوگی۔

یہ دونوں فونز سام سنگ کی ویب سائٹ پر بک کرائے جاتے ہیں اور ایس نائن 1 لاکھ تین ہزار روپے جبکہ ایس نائن پلس 1 لاکھ 14 ہزار روپے میں دستیاب ہوگا۔

مزید پڑھیں : سام سنگ کے 2 نئے فلیگ شپ فون ایس نائن اور ایس 9 پلس

پرو پاکستانی کی رپورٹ کے مطابق یہ ان دونوں فونز کے 64 جی بی کے ماڈلز کی قیمتیں ہیں۔

دلچسپ بات یہ ہے کہ پاکستان میں اس فون کی قیمتیں عالمی مارکیٹ کے مقابلے میں کافی زیادہ ہیں۔

دیگر مارکیٹوں میں ایس نائن 720 ڈالرز (79 ہزار پاکستانی روپے سے زائد) جبکہ ایس نائن پلس 840 ڈالرز (93 ہزار پاکستانی روپے سے زائد) رکھی گئی ہے، مگر پاکستان میں ایس نائن 24 ہزار جبکہ ایس نائن پلس 21 ہزار روپے زیادہ رکھی گئی ہے۔

گزشتہ ہفتے متعارف کرائے جانے والے یہ فون دیکھنے میں ایس ایٹ جیسے ڈیزائن کے ساتھ ہیں، جن میں سے ایس نائن 5.8 انچ جبکہ ایس نائن پلش میں 6.2 انچ ڈسپلے دیا گیا ہے۔

یہ بھی پڑھیں : سام سنگ کا 'بولنے والا فریج' متعارف

اسٹیریو اسپیکرز، پہلے سے بہتر مقام پر فنگرپرنٹ سنسر، پہلے سے بہتر فیس ان لاک جو تاریکی میں کام کرسکے گا، کوالکوم اسنیپ ڈراگون 845 پراسیسر یا ایکسینوس 9810 اوکٹا کور پراسیسر، اینڈرائیڈ اوریو آپریٹنگ سسٹم، 4 جی بی ریم (ایس نائن)، سکس جی بی ریم (ایس نائن پلس) ڈسٹ اینڈ واٹر پروف اور اینی موجی جیسے فیچرز اس میں دیئے گئے ہیں۔

اس سال کے فونز میں سب سے بڑا اور نمایاں فیچر ان کا نیا کیمرہ سسٹم ہے، تاہم اس بار کمپنی نے ایس نائن کے بیک پر ایک جبکہ دوسرے میں ڈوئل کیمرہ سیٹ اپ دیا ہے۔ یہ نیا کیمرہ سام سنگ کا پہلا ایسا سیٹ اپ ہے جو مکینیکلی طور پر ایڈجسٹ ایبل آپرچر کے ساتھ ہے جو کہ بہت روشن ایف 1.5 سے لے کر چھوٹے ایف 2.4 پر سوئچ ہوسکتا ہے، جس کا انحصار ایکسپوزر کنڈیشن پر ہے۔ برائٹ آپرچر گزشتہ سال کے ایف 1.7 لینس کے مقبلے میں 28 فیصد زیادہ روشنی جذب کرسکتا ہے جبکہ ایف 2.4 آپرچر اوور ایکسپوزر کی روک تھام میں مدد دیتا ہے۔ کیمرہ ایپ خودکار طور پر بھی آپرچر بدل سکتی ہے جبکہ صارف اپنی مرضی سے بھی کنٹرول کرسکتا ہے، کسی اور فون میں اس طرح دو آپرچر کے آپشنز موجود نہیں۔

آپرچر سے ہٹ کر ایس نائن کے بارہ میگا پکسل کیمرہ سنسر میں ڈوئل پکسل آٹو فوکس ٹیکنالوجی تیز اور قابل انحصار فوکسنگ کے لیے دی گئی ہے، پہلے سے بہتر ملٹی فریم نوائز جو کم روشنی میں تصویر کو تیس فیصد زیادہ بہتر کرتی ہے، 960 فریم فی سیکنڈ سلوموشن ویڈیو ریکارڈنگ کے ساتھ کیمرہ ایپ میں مختلف موڈز پر منتقل ہونے کے لیے تیز ترین رسائی کو ری ڈیزائن کیا گیا ہے۔

ایس نائن پلس میں دوسرا کیمرہ دو آپرچر کا فیچر تو نہیں مگر یہ نوٹ ایٹ کے ڈوئل کیمرہ سسٹم جیسا ہی کام کرتا ہے۔ اس میں ایف 2.4 لینس دیا گیا ہے جو کہ وائیڈ اینگل کیمرے کے مقابلے میں سبجیکٹ کو دوگنا زیادہ قریب کرتا ہے ، جس سے پورٹریٹ موڈ جیسی دھندلے پس منظر والی تصویر لینے میں مدد ملتی ہے۔ دونوں فونز کے فرنٹ پر آٹھ میگاپکسل کا کیمرہ دیا گیا ہے جس میں ایف 1.7 آٹوفوکس لینس دیا گیا ہے۔