لاہور: پاکستان اور سری لنکا کے کے مابین اب تک کھیلے جانے والے ٹیسٹ میچز میں پاکستان کرکٹ ٹیم کا حریف پر پلڑا بھاری ہے۔

دونوں ٹیموں کے مابین اب تک دنیا کے مختلف مقامات پر 51 ٹیسٹ میچز ہوچکے ہیں جن میں سے پاکستان کی ٹیم نے 19 میچز جیتے اور 14 میچوں میں سری لنکا نے فتح حاصل کی جبکہ 18میچز ڈرا ہوئے۔

متحدہ عرب امارات کی سرزمین پر بھی جیت کے حوالے سے پاکستان کرکٹ ٹیم کو سر ی لنکا پر برتری حاصل ہے۔

دونوں ٹیموں کے درمیان عرب سرزمین پر 6 میچز کھیلے گئے جس میں سے پاکستان کی ٹیم نے دو میچز جیتے، ایک ہارا اور تین میچز برابری پر منتج ہوئے۔