پاکستان

گاڑی کی ٹکر سے ایک شخص کی ہلاکت پراداکارہ کوگرفتار کرلیا،پولیس

اسٹیج اداکارہ نشے کی حالت میں گاڑی چلارہی تھیں جبکہ تیزرفتاری کے باعث حادثہ پیش آیا، ملتان پولیس کا دعویٰ
Welcome

صوبہ پنجاب کے شہر ملتان میں پولیس نے گاڑی کی ٹکر سے موٹر سائیکل سوار کی ہلاکت کے بعد اداکارہ ایمان شاہ کو گرفتار کر کے ان کے خلاف مقدمہ درج کرلیا۔

پولیس کے مطابق اسٹیج اداکارہ ایمان شاہ نشے کی حالت میں گاڑی چلارہی تھیں اور تیزرفتاری کےباعث گاڑی کی ٹکر سے 40 سالہ موٹرسائیکل سوار نویداحمد خان جاں بحق ہوگیا۔

پولیس کا کہنا ہے کہ اداکارہ کی گاڑی سے شراب کی بوتلیں بھی بر آمد ہوئی ہیں جبکہ ان کے خلاف 322، 279، اور 427 کی دفعات کے تحت مقدمہ بھی درج کر لیا گیا ہے۔

پولیس نے اداکارہ کو طبی معائنے کے لیے نشتر ہسپتال ملتان منتقل کردیا ہے۔

پولیس کا کہنا ہے کہ اداکارہ کو جوڈیشل ریمانڈ پر جیل بھیج دیا جائے گا۔