بولی وڈ اداکار ارباز خان اور اداکارہ ملائیکا اروڑا کی شادی شدہ زندگی کا بھلے ہی اختتام ہوگیا ہو، لیکن اب بھی یہ دونوں ایک دوسرے کے بہت اچھے دوست ہیں۔

اور اس کا ثبوت ملائیکا اروڑا کا انسٹاگرام اکاؤنٹ ہے، جہاں وہ عموماً اپنے سابقہ شوہر کے ساتھ متعدد ایونٹس کی تصاویر شیئر کرتی رہتی ہیں۔

علاوہ ازیں ارباز خان نے اپنی 50ویں سالگرہ کا جشن بھی ملائیکا کے ساتھ ہی منایا۔

لیکن سب سے دلچسپ بات یہ تھی کہ ارباز خان نے اپنی سالگرہ پر کیک تو کاٹا ہی لیکن آغاز تربوز کاٹ کر کیا۔

مزید پڑھیں: ارباز خان اور ملائیکا کا الگ ہونے کا فیصلہ؟

ملائیکا نے اپنے انسٹاگرام اکاؤنٹ پر ارباز خان کی ایک ویڈیو شیئر کی جس میں وہ تربوز کاٹ رہے ہیں۔

اس ویڈیو کے ساتھ ملائیکا نے لکھا ’آ تربوز فار اربوز‘ (اربوز کے لیے ایک تربوز)، یہاں انہوں نے ارباز کے لیے 'اربوز' کا نام استعمال کیا۔

ملائیکا کے علاوہ ان کی بہن امریتا اروڑا نے بھی ارباز خان کو سالگرہ کی مبارکباد دینے کے ساتھ ساتھ ان کے دلچسپ کیک کے ساتھ تصویر شیئر کیں۔

خیال ہے کہ ارباز خان اور ملائیکا اروڑا نے گزشتہ سال اپنی 18 سالہ پرانی شادی ختم کرنے کا اعلان کیا تھا۔

اس علیحدگی کی صحیح وجہ تو سامنے نہیں آئی البتہ کئی رپورٹس کے مطابق ملائیکا ارباز کے ناکام کیریئر سے خوش نہیں یا ان کا کسی اور کے ساتھ افیئر تھا۔

تاہم رواں سال ان دونوں کی طلاق نے مداحوں کو حیران کردیا تھا۔