چیمپیئنز ٹرافی سے قبل برمنگھم میں لگائے گئے قومی ٹیم کے تربیتی کیمپ میں ویسٹ انڈیز میں عمدہ کارکردگی دکھانے والے فاسٹ باؤلر محمد عباس کو بھی طلب کرلیا گیا۔

ویسٹ انڈیز کے خلاف ٹیسٹ سیریز میں ڈیبیو کرنے والے فاسٹ باؤلر محمدعباس انگلینڈ میں ہی موجود ہیں اور کل سے کیمپ میں ٹیم کو جوائن کر لیں گے۔

محمدعباس چیمپیئنز ٹرافی کیلئے پاکستانی اسکواڈ کا حصہ نہیں ہیں لیکن سیم و سوئنگ پر مہارت کے سبب انہیں انگلش کنڈیشنز میں طلب کیا گیا ہے تاکہ کھلاڑیوں کی مشکل وکٹوں پر سفید گیند کے ساتھ اچھی بیٹنگ پریکٹس ہو سکے۔

ویسٹ انڈیز کے خلاف ٹیسٹ سیریز میں ڈیبیو کرنے والے محمد عباس نے عمدہ باؤلنگ سے اپنا انتخاب درست چابت کر دکھایا تھا جہاں انہوں نے تین میچوں کی سیریز میں پندرہ وکٹیں حاصل کی تھیں۔