لاہور: سپریم کورٹ کی جانب سے پاناما کیس کا فیصلہ جاری ہونے کے بعد حکمراں جماعت پاکستان مسلم لیگ ن کے کارکنوں نے ملک بھر میں اور بالخصوس لاہور میں شاندار جشن منایا۔

سپریم کورٹ نے فیصلے میں وزیراعظم نواز شریف اور ان کے بیٹوں حسن اور حسین نواز کے خلاف مزید تحقیقات کے لیے مشترکہ تحقیقاتی ٹیم تشکیل دینے کی ہدایت کی تاہم وزیراعظم کو نااہل قرار نہیں دیا گیا۔

ن لیگ پہلے ہی یہ کہہ چکی تھی کہ وزیراعظم کی نااہلی کے علاوہ کوئی بھی فیصلہ ان کی فتح ہوگی۔

سپریم کورٹ کا فیصلہ آتے ہی لیگی کارکنوں نے بکروں کے صدقے دیے، مٹھائیاں تقسیم کیں اور ڈھول کی تھاپ پر رقص کرتے رہے۔