بھارتی سمندری حدود کے قریب پاکستانی میری ٹائم سیکیورٹی ایجنسی (پی ایم ایس اے) کی کشتی ڈوب گئی۔

پاکستان میری ٹائم سیکیورٹی ایجنسی کے ترجمان کمانڈر واجد نواز نے ڈان ڈاٹ کام سے بات کرتے ہوئے کشتی الٹنے کی تصدیق کی۔

تاہم انہوں نے کشتی کے تصادم کی دوٹوک الفاظ میں تردید کرتے ہوئے کہا کہ کشتی خراب موسم‘ کے باعث ڈوبی۔

کمانڈر واجد نواز نے کشتی آئی ایم بی ایل کے قریب لیکن پاکستانی پانیوں میں ڈوبنے کی بھی نشاندہی کی۔

دوسری جانب بھارتی نیوز ایجنسیوں کا کہنا تھا کہ انٹرنیشنل میری ٹائم بارڈر لائن (آئی ایم بی ایل) کے قریب کشتی الٹنے سے پاکستان میری ٹائم سیکیورٹی ایجنسی کے 4 اہلکار مبینہ طور پر ہلاک ہوگئے۔

بھارتی خبر رساں اداروں کے مطابق پی ایم ایس اے کی کشتی انٹرنیشنل میری ٹائم بارڈر کے قریب بھارتی ماہی گیروں کا پیچھا کر رہی تھی، تاہم اسی دوران بوٹ ماہی گیروں کی ایک کشتی سے تصادم کے بعد الٹ گئی، جس کے نتیجے میں عملے کے 4 افراد ہلاک ہوئے۔