ہونڈا نے اپنی گاڑی سوک کا اب تک کی سب سے تیز رفتار ماڈل سوک ٹائپ آر 2017 عالمی سطح پر متعارف کرادیا ہے۔

ہونڈا سوک ٹائپ آر 2017 کو جنیوا میں جاری موٹر شو کے دوران متعارف کرایا گیا جو کہ انیس مارچ تک جاری رہے گا۔

کمپنی نے اس نئی ہونڈا سوک اب تک سے سب سے تیز رفتار اور منفرد قرار دیا ہے، جبکہ اس کی خوبصورتی آپ نیچے ویڈیو میں دیکھ سکتے ہیں۔

کمپنی کے مطابق ' یہ سب سے تیز اور طاقتور ترین ہونڈا سوک کا ماڈل ہے جو کہ اس لائن کا ٹین جنریشن ورژن ہے'۔

اس گاڑی کے لیے 2.0 لیٹر آئی وی ٹیک ڈی ٹربو بیس انجن استعمال کیا گیا ہے جو کہ 306 ہارس پاور رکھتا ہے۔

اس گاڑی میں چیسز اور سپنشن کے حوالے سے کافی اپ گریڈز کیے گئے ہیں تاکہ یہ صارفین کی توقعات کے مطابق کارکردگی کا مظاہرہ کرسکے۔

گاڑی میں رفتار کے چھ مینوئل موجود ہیں جس کا مقصد ایندھن کی بچت میں مدد دینا ہے۔

اس نئی سوک میں پہلے کے ماڈلز کے مقابلے میں کمپری ہینسو ایرو ڈائنامک پیکج دیا گیا ہے جبکہ اس کی باہری باڈی کسی اسپورٹس کار سے مماثلت رکھتی ہے جس کا مقصد تیزرفتاری میں بھی اس کے استحکام کو برقرار رکھنا ہے۔

اس میں ہونڈا سینسنگ سسٹم موجود ہے یہ سیمی آٹو میٹک ڈرائیونگ سسٹم کے ساتھ ہے جس کے لیے اڈاپٹو کروز کنٹرول کو بھی گاڑی کا حصہ بنایا گیا ہے۔

یعنی یہ گاڑی خودکار طور پر بریک اور رفتار بڑھانے کی صلاحیت رکھتی ہے۔

یہ گاڑی اپریل میں سب سے پہلے امریکا میں فروخت کے لیے پیش کی جائے گی جس کی قیمت 30 ہزار ڈالرز (ساڑھے 31 لاکھ پاکستانی روپے کے لگ بھگ) ہوگی۔

تاہم اس کی پاکستانی آمد اور قیمت کے بارے میں ابھی کچھ کہنا ممکن نہیں ۔