بولی وڈ اداکارہ پریانکا چوپڑا کو 89ویں اکیڈمی ایوارڈز (آسکرز) میں ان کے اسٹائل پر ملا جلا ردعمل موصول ہوا۔

یہ اداکارہ کی آسکر ایوارڈز میں دوسری مرتبہ شرکت تھی، اس سے قبل وہ 2016 کے اکیڈمی ایوارڈز میں جلوہ گر ہوئیں، جن کے خوبصورت لباس نے سب کا دل جیت لیا تھا۔

مزید پڑھیں: ارادے تبدیل، پریانکا چوپڑا آسکرز کیلئے روانہ

پریانکا چوپڑا نے 2016 کی تقریب میں جو گاؤن پہنا تھا، اسے گزشتہ سال گوگل پر سب سے زیادہ سرچ کیا گیا۔

اس سال پریانکا نے ڈیزائنر رالف اینڈ روسو کا ڈیزائن کیا ہوا گاؤن پہنا، جس کی ٹوئٹر پر بے انتہا تعریف کی جارہی ہے، تاہم ہمیں اس لباس کو دیکھ کر کئی ایسی چیزوں کا خیال آیا جو پریانکا کے گاؤن سے کافی مشابہہ ہیں۔

1- رضائی

2- گُلدان

3- دستانہ

4- کاجو کی مٹھائی

5- ماربل کے ٹائل