اسلام آباد: سابق پاکستانی کپتان وسیم اکرم نے فاسٹ باؤلر محمد عامر کی تعریف کرتے ہوئے انہیں پاکستانی کرکٹ کا مستقبل قرار دیا ہے۔

نجی ٹی وی چینل سے گفتگو میں وسیم اکرم کا کہنا تھا کہ 'عامر ایک بہترین باؤلر ہیں اور ملک میں کرکٹ کا مستقبل ہیں۔'

مزید پڑھیں: ویرات کوہلی کی محمد عامر کو مبارک باد

انہوں نے اس موقع پر عامر کو دی گئی اپنی ایک تجویز کا انکشاف کرتے ہوئے بتایا کہ انہوں نے عامر کو بقیہ تمام چیزوں کو پس پشت ڈال کر صرف کرکٹ پر فوکس کرنے کی ہدایت دی تھی۔

خیال رہے کہ 2010 کے اسپاٹ فکسنگ اسکینڈل کے بعد عامر نے رواں سال دورہ نیوزی لینڈ پر پاکستان ٹیم میں واپسی کی تھی۔

یہ بھی پڑھیں: پاکستانی کرکٹر محمد عامر پر پابندی ختم

اس اسکینڈل کے نتیجے میں ابھرتے ہوئے فاسٹ باؤلر کو پانچ سال پابندی کا سامنا کرنا پڑا تھا۔

انہوں نے رواں سال پاکستان کی ایشیا کپ اور آئی سی سی ورلڈ ٹی ٹوئنٹی میں بھی نمائندگی کی تھی جبکہ انہیں دورہ انگلینڈ کے 17 رکنی اسکواڈ کا حصہ بھی بنایا گیا ہے۔

مزید جانیں: محمد عامر ایک عام باؤلر ہیں: روہت شرما

پاکستان کرکٹ بورڈ (پی سی بی) امید کررہا ہے کہ عامر کو برطانوی ویزہ دے دیا جائے گا۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔