آرمی پبلک اسکول حملہ: ہمایوں اقبال–عمر 14

والدین: مسٹر اینڈ مسز محمد اقبال

بہن/بھائی: 19 سالہ سعدیہ اقبال ، 17 سالہ پلوشہ اقبال ، 15 سالہ نفیسہ اقبال ، 13 سالہ عثمان اقبال ، 11 سالہ شبیر اقبال۔

ہمایوں ایک شرارتی لیکن اچھے طالب علم تھے۔ ان کے والد کو ان کی شرارتوں کے باعث کم از کم ہفتے میں ایک مرتبہ اسکول بلایا جاتا۔ وہ بتاتے ہیں کہ جیسے ہی وہ اسکول کے قریب پہنچتے چوکیدار سے لیکر ٹیچرز تک سب ہمایوں کی شکایت کرتے۔ لیکن ان کے اچھے طالب علم ہونے کی وجہ سے کبھی کوئی ان پر غصہ نہ ہوتا۔ وہ اسکول میں 'اطالوی بچے' کے نام سے مشہور تھے۔

وہ اپنے والد کے قریب تھے اور اپنے دادا حاجی سردار اعظم کے ساتھ ان کا رشتہ بہت مضبوط تھا۔

ان کے والد کا کہنا ہے کہ ہمایوں کے دادا اپنے پوتے کے انتقال کا غم بھلا نہیں پارہے اور ہر گزرتے دن کے ساتھ کمزور ہورہے ہیں۔