لاہور: پنجاب کی دو ضلعی جیلوں میں مزید تین قیدیوں کو پھانسی دے دی گئی۔

ڈان نیوز کے مطابق، جمعرات کی صبح گوجرانوالہ میں ایک جبکہ لاہور میں دو قاتلوں کو پھانسی دی گئی۔

گوجرانوالہ کی سینٹرل جیل میں قتل کے مجرم طارق الہیٰ کو تختہ دار پر لٹکایا گیا۔ طارق نے 2001 میں پسند کی شادی کرنے پر اپنی بھتیجی کو قتل کیا تھا۔

ادھر، لاہور کی کوٹ لکھپت جیل میں قتل کے دو مجرموں کی سزا پر عمل درآمد کیا گیا۔

انعام اللہ نے شاہدرہ کے علاقے میں معمولی تنازعہ پر ایک شخص جبکہ شفاقت نے فائرنگ کر کے ایک شخص کی جان لی تھی۔