راولپنڈی میں شدید بارش، 5 افراد ہلاک
رہائشی علاقوں میں طغیانی سے چار افراد ڈوب گئے جبکہ ایک ہلاکت مکان کی دیوار گرنے سے ہوئی، ریسکیو عملہ۔
اسلام آباد:شدید بارش نے راولپنڈی کے مختلف علاقوں میں کم از کم پانچ افراد کی جانیں لے لیں۔
سرکاری ایمرجنسی سروس کے ترجمان وقاص رحمان نے بتایا کہ شہر کے رہائشی علاقوں میں نالوں میں طغیانی سے چار افراد ڈوبے اور ایک ہلاکت مکان کی دیوار گرنے سے ہوئی۔
رحمان نے بتایا کہ ریسکیو عملے نے طغیانی میں بہہ جانے والے 16 افراد کی جانیں بچائیں جبکہ ایک شخص تاحال لاپتہ ہے۔
شہر کے زیریں حصوں میں پانی بھرنے سے مقامی افرادکی بڑی تعداد مکانوں کی چھتوں پر پناہ لیے ہوئےہے۔ اے پی