فیصل آباد: پی سی بی سُپر ایٹ ٹی ٹوئنٹی ٹورنامنٹ میں کراچی ڈولفنز نے ملتان ٹائیگرز کو باآسانی سات وکٹوں سے شکست دے دی۔

فیصل آباد کےاقبال اسٹیڈیم میں کھیلےجارہے میچ میں کراچی ڈولفنز کےکپتان سرفرازاحمد نے ٹاس جیت کر ملتان ٹائیگرز کو پہلے بیٹنگ کی دعوت دی ۔

ملتان کی ٹیم مقررہ بیس اوورز میں نو وکٹوں کےنقصان پر ایک سو سینتالیس رنزبنانے میں کامیاب ہوئی۔ عامر یاسین سینتالیس اور گُلریز صدف چالیس رنزبناکرنمایاں رہے۔

کراچی کے محمدسمیع ، فواد خان ، عبدل عامر اور فرازاحمد نے دو دو کھلاڑیوں کو آؤٹ کیا۔

ہدف کے تعاقب میں کراچی کی ابتدائی دو وکٹیں 22 رنز پر گر گئیں تاہم اس موقع پر سرفراز احمد اور اسد شفیق کے درمیان شراکت نے ٹیم کو سہارا دیا۔

اسد 46 رنز بناکر آؤٹ ہوئے۔ بعدازاں سرفراز اورمحمد وقاص کے درمیان شراکت نے ٹیم کو جیت کے ہمکنار کروادیا۔

ملتان کی جانب سے عامر یامین نے دو جبکہ صدف مہدی نے ایک کھلاڑی کو آؤٹ کیا۔

سرفراز احمد میچ کے بہترین کھلاڑی قرار پائے۔