وہ کیا چیز ہے جو اگر نہ ہو تو ہر جاندار کی زندگی خطرے کی زد میں آجائے گی ؟ کیا آپ اس کا جواب دے سکتے ہیں ؟ اپنے دائیں بائیں دیکھیں اور سمجھ میں آجائے گا کہ وہ ہے درخت۔

جی ہاں درخت جن پر ہم اکثر توجہ تک نہیں دیتے مگر ان کے بغیر دنیا میں زندگی کا وجود ممکن تو ہوگا تاہم آکسیجن کی کمی اور ماحولیاتی تباہی کبھی بھی قیامت کا سبب بن جائے گی۔

اور کیا آپ کو معلوم ہے کہ دنیا میں درختوں کی تعداد کتنی ہے اور ان کی کتنی اقسام ہیں ؟ مشکل سوال ہے نا چلیں ہم ہی بتادیتے ہیں ایک اندازے کے مطابق دنیا بھر میں 400 ارب سے زیادہ درخت سر بلند کیے کھڑے ہیں اور ان کی کم سے کم 23000 مختلف اقسام مختلف خطوں میں پائی جاتی ہیں۔

اپنی روزمرہ کی زندگی میں ہم درخت دیکھتے رہتے ہیں اور بیشتر افراد کو وہ ایک جیسے ہی لگتے ہوں گے مگر حقیقت تو یہ ہے کہ ہر انسان کی طرح ہر درخت بھی ایک دوسرے سے مختلف اور منفرد ہوتا ہے۔

جیسا اوپر ذکر کیا جاچکا ہے درخت زمین پر زندگی کے لیے انتہائی ضروری ہیں۔ یہ نہ صرف جانوروں بلکہ انسانوں کی غذا بنتے ہیں بلکہ زمین پر آکسیجن کا تناسب بگڑنے نہیں دیتے، اس کے ساتھ ساتھ اللہ کی یہ مخلوق سیلاب سے تحفظ دینے کا کام بھی کرتی ہے جبکہ مختلف ادویات کے لیے ان کی چھال، پتے، بیج، پھول اور پھل سب استعمال ہوتے ہیں۔

دنیا میں نہایت خوبصورت اور منفرد درخت موجود ہیں جن میں سے چند ایک کی فہرست ہم نے مرتب کی ہے اور ان 16 شاندار درختوں کو دیکھ کس کے اندر ان کو اپنی آنکھوں سے دیکھنے کی خواہش پیدا نہیں ہوگی؟

بشکریہ: بورڈ پانڈا