گھوٹکی : میرپور ماتھیلو میں ٹرک اور منی ٹرک میں تصادم کے نتیجے میں چار افراد ہلاک جبکہ چھ زخمی ہوگئے۔

گھوٹکی کی تحصیل میرپور ماتھیلو میں حادثہ اُس وقت پیش آیا جب قومی شاہراہ پر خستہ حال سڑک کے باعث کوئٹہ سے پنجاب جانے والا منی ٹرک اور مخالف سمت سے آنے والے ٹرک میں جاٹکرایا۔

یہ بھی پڑھیں : سکھر کے قریب ٹرالر اور بس میں ٹکر، 56 افراد ہلاک

حادثے کے نتیجے میں چار افراد موقع پر ہی ہلاک ہوگئے جبکہ چھ زخمی ہوئے۔

ریسکیو ٹیموں نے ہلاک شدگان اور زخمیوں کو میر پور ماتھیلو اسپتال منتقل کیا۔

ڈاکٹروں کے مطابق زخمیوں میں سے دو کی حالت تشویشناک ہونے کے باعث رحیم یار خان اسپتال ریفر کردیا گیا ہے۔

واضح رہے کہ اندروں سندھ سڑکوں کی تباہ حالی کے باعث اکثر و بیشتر حادثات رونما ہوتے رہتے ہیں۔