کراچی: سابق وزیر داخلہ رحمان ملک نے صوبہ پنجاب کے شہر گوجرانوالہ کو داعش کا ’حب‘ قرار دے دیا۔

ڈان نیوز کے مطابق رحمان ملک نے شدت پسند تنظیم داعش کو القاعدہ کی فرنچائز قرار دیا ہے۔

انہوں نے کہا کہ داعش کو جنوبی پنجاب سے چلایا جارہا ہے اور گوجرانوالہ اس کا حب ہے جبکہ اس کی موجودگی پورے پاکستان میں ہے۔

مزید پرھیں: ٹیکسلا میں داعش کے جھنڈے؟

سابق وزیر داخلہ کا کہنا تھا کہ شدت پسند تنظیم تیزی سے پھیل رہی ہے اور اس کے خاتمے کے لیے ٹاسک فورس کا قیام ضروری ہے۔

انہوں نے چیئرمین تحریک انصاف عمران خان سے کراچی میں پُرامن احتجاج کی اپیل بھی کی۔

رحمان ملک نےحکومت پی ٹی آئی مذاکرات کے فیصلے کو بھی سراہا اور کہا کہ جوڈیشل کمیشن بن جاتا تو بات یہاں تک نہ پہنچتی۔

انہوں نے کہا کہ اتوار یا پیر کو سیاسی جرگہ دوبارہ بیٹھ کر مسائل کا حل تلاش کرے گا۔