سبی میں دھماکا سے دس افراد زخمی
زخمیوں میں سے ایک کی حالت نازک، بم موٹر سائیکل میں نصب کیا گیا تھا، پولیس۔
کوئٹہ: بلوچستان کے علاقے سبی میں بم دھماکے کے نتیجے میں دس افراد زخمی ہوگئے ہیں۔
پولیس کے مطابق دھماکا سبی کی علاقے نشتر روڈ پر ہوا جسے ایک موٹر سائیکل میں نصب کیا گیا تھا۔
دھماکے کے باعث کم از کم پانچ گاڑیوں کو بھی نقصان پہنچا جبکہ قریب واقع گھروں اور دکانوں کو بھی نقصان پہنچا۔
دھماکے کی زد میں آکر دس افراد زخمی ہوگئے جنہیں فوری طور پر سول اسپتال سبی منتقل کردیا گیا۔
ڈاکٹروں کے مطابق زخمیوں میں سے ایک کی حالت نازک ہے۔ تاحال کسی گروپ نے واقعے کی ذمہ داری قبول نہیں کی ہے۔