خضدار: بلوچستان کے شہر خضدار میں ایک دھماکے کے نتیجے میں ایک شخص ہلاک اور 13 زخمی ہو گئے۔

پولیس افسر مجید مری نے ڈان سے بات کرتے ہوئے بتایا کہ یہ دھماکہ ضلع خضدار میں ارباب کمپلیکس کے قریب ہوا۔

دھماکے کی وجہ سے قریبی دکانوں کو بھی نقصان پہنچا جب کہ کئی گھروں کے شیشے بھی ٹوٹ گئے۔

دھماکے میں زخمی ہونے والے افراد کو سول ہسپتال خضدار منتقل کردیا گیا ہے۔

مجید مری کے مطابق پولیس اور ایف سی نے موقع پر پہنچ کر تحقیقات کا آغاز کر دیا ہے جب کہ زخمیوں کی تعداد میں اضافہ بھی ہو سکتا ہے۔

دھماکے کی تاحال کسی بھی گروپ کی جانب سے ذمہ داری قبول نہیں کی گئی ہے۔

خضدار کا شمار بلوچستان کے حساس اضلاع میں ہوتا ہے جہاں ٹارگٹ کلنگ، دھماکوں اور راکٹ حملوں کی وجہ سے متعدد افراد ہلاک اور سیکڑوں سندھ کی طرف نقل مکانی کر چکے ہیں۔