**راولپنڈی: پاکستان صوبہ پنجاب کے شہر راولپنڈی میں حساس اداروں کی کارروائی کے دوران تین مبینہ دہشت گردوں کو گرفتار کرلیا گیا۔

ڈان نیوز ٹی وی کے مطابق گرفتار ہونے والے مبینہ دہشت گردوں سے دستی بم اور تین خودکش جیکڑس بھی برآمد ہوئی ہیں۔

ذرائع کا کہنا ہے کہ خفیہ اطلاع پر حساس اداروں کی جانب سے راولپنڈی شہر میں تین دہشت گردوں کو گرفتار گیا ہے۔

ذرائع کے مطابق ان مشتبہ دہشت گردوں کو نامعلوم مقام پر منتقل کرنے کے بعد مزید تفیتش کی جارہی ہے۔