گلگت: مسافر وین کھائی میں گرنے سے 4 افراد ہلاک
وین کے کھائی میں گرنے سے خواتین و بچوں سمیت 12 افراد زخمی بھی ہوئے جن کو ہسپتال منتقل کردیا گیا۔
گلگت: گلگت میں ایک مسافر وین کے کھائی میں گرنے سے کم سے کم چار افراد ہلاک اور 12 زخمی ہوگئے۔
ڈان نیوز کے مطابق حادثہ اس وقت پیش آیا جب راولپنڈی سے آنے والی مسافر کوچ بابوسر کے مقام پر تیز رفتاری کے سبب بے قابو ہوکر کھائی میں جاگری۔
زخمی ہونے والوں میں خواتین و بچے بھی شامل ہیں۔
ریسکیو ٹیموں نے زخمیوں کو چِلاس اسپتال منتقل کردیا ہے۔
ذرائع کا کہنا ہے کہ ہلاک ہونے والوں کا تعلق سرگودھا سے تھا۔