مری: مری کے قریب آج منگل کی صبح ایک مسافر جیپ کے کھائی میں گرنے سے کم سے کم دو افراد ہلاک اور چار زخمی ہوگئے۔

ڈان نیوز ٹی وی کے مطابق یہ واقعہ مری کے قریب گوہاٹی کے مقام پر پیش آیا۔

ابتدائی رپورٹس کے مطابق جیپ لینڈ سلائیڈنگ کے باعث کھائی میں گری۔ یہ جیپ مری سے گوہاٹی جارہی تھی۔

ہلاک ہونے والوں میں ایک خاتون بھی شامل ہیں۔

واقعہ کے بعد امدادی ٹیمیں موقع پر پہنچ گئیں، جبکہ زخمیوں کو قریبی ہسپتال منتقل کردیا گیا۔

یاد رہے کہ رواں سال کے آغاز میں بھی مری میں اسی قسم کا ایک حادثہ پیش آیا تھا، جس میں 12 افراد ہلاک ہوگئے تھے۔