اسلام آباد: پاک فوج کے سربراہ جنرل راحیل شریف کی صدارت میں کورکمانڈرز کانفرنس جاری ہے جس میں ملکی سلامتی کی صورتحال اور فوج کے پیشہ ورانہ امور پر غور کیاجارہا ہے۔

ترجمان آئی ایس پی آر کے مطابق یہ اجلاس راولپنڈی میں پاک فوج کے ہیڈکوارٹرز جی ایچ کیو میں ہورہا ہے۔

ذرائع کے مطابق اجلاس میں کورکمانڈرز نے فوج کی پیشہ ورانہ تیاریوں پر اطمینان کا اظہار کیا ہے۔

آرمی چیف نے کمانڈرز کو امریکی سینٹ کام چیف کے ساتھ بات چیت پر اعتماد میں بھی لیا۔

ذرائع کا کہنا ہے کہ کورکمانڈرز کانفرنس میں ملکی سلامتی کی صورتحال سے متعلق اہم فیصلے بھی متوقع ہیں۔