اسلام آباد: اسلام آباد الیکٹرک سپلائی کمپنی (آئیسکو) نے کیپیٹل ڈیویلپمنٹ اتھارٹی (سی ڈی اے) ہیڈ کوارٹر سمیت متعدد سرکاری و نیم سرکاری نادہندگان کی بجلی منقطع کردی۔

ڈان نیوز کے مطابق سی ڈی اے ہیڈکوارٹر پر اربوں روپے کے واجبات ہیں۔

ترجمان آئیسکو کا کہنا ہے کہ بجلی کے نادہندگان کے خلاف بلا امتیاز مہم جاری رہے گی۔

ترجمان کے مطابق فلم سنسر بورڈ اور اینٹی نارکوٹکس اسلام آباد کی بجلی بھی منقطع کردی گئی ہے جبکہ اس پیشرفت کے باعث اسلام آباد کے ٹریفک سگنلز اور اسٹریٹ لائٹس بند ہوگئی ہیں۔

اس کے علاوہ کلر کہار ریسٹ ہاؤس، وائلڈ لائف ایف 6، پی ڈبلیوڈی اور نیشنل ٹریننگ بیورو، کرکٹ گراونڈ جی 6 ، سیکریٹریٹ ٹریننگ انسٹیٹیوٹ سمیت دیگر اداروں کی بھی کی بجلی بھی منقطع کی گئی ہے۔