محسن کیانی کی نئی تصویری نمائش منگل کے دن سے آرٹ سین گیلری میں جاری ہے۔

ویسے تو ان کی بنائی ہوئی تصویریں حافظ شیرازی کی شاعری سے متاثر ہیں۔

لیکن ان انتہائی خوبصورت پینٹنگز کو اور بہت سے زاویوں سے دیکھا جا سکتا ہے۔

مثال کے طو ر پر ان تصویروں میں انسانی شکلوں، پرندوں، موسیقی کے آلات اور رنگوں کا ایک ایسا حسین نظارہ ہے جس کی وجہ سے دیکھنے والا اپنے آپ ہی فنکار کی بات کو محسوس کرنے لگ جاتا ہے۔

مگر وہ بات کیا ہے۔۔ وہ بات ہے ایرانی روایت تصوف کی، فارس سے جڑی صوفی تہذیب کی اور ایک ایسی سرمستی کی جو ایک اعلیٰ پائے کے مصّور کو ساری عمر تخلیق کرنے پر آمادہ رکھتی ہے۔

ڈاکٹر محسن کیانی روایت کے ساتھ جڑے ہوئے بھی ہیں اور اس کے ساتھ ساتھ روایت سے آگے بھی جانا چاہتے ہیں مگر ایسے کہ انهیں خود بھی خبر نھ ہو۔

اس سے مراد یھ ہے کھ محسن آرٹ میں جدید ہونے کو برا بھی نہیں سمجھتے اور نھ ہی گزرے زمانے سے رشتہ توڑنا چاہتے ہیں۔

محسن کیانی کی تصویروں کی نمایش 24 اپریل تک جاری رہے گی۔