شمالی وزیرستان: سیکیورٹی فورسز پر حملہ، چار اہلکار ہلاک
۔۔۔۔رائٹرز فائل فوٹو۔
میرانشاہ: شمالی وزیرستان میں سیکیورٹی فورسز کے ایک قافلے پر بم حملے کے نتیجے میں کم از کم چار اہلکار ہلاک ہوگئے ہیں۔
منگل کو پیش آنے والا یہ واقعہ سعد گئی کے علاقے میں ہوا جہاں سیکیورٹی فورسز فرنٹئر ورکس آرگنائزیشن (ایف ڈبلیو او) کو تحفظ مہیا کرنے پر معمور تھا۔
سرکاری ذرائع نے ڈان ڈاٹ کام کو بتایا کہ فورسز کی گاڑی کو ہدف بنایا گیا تھا جس کے دوران سڑک کنارے نصب بم کا استعمال کیا گیا تھا۔
پولیس افسران نے نام ظاہر نہ کرنے کی شرط پر بتایا کہ ’چار فوجی ہلاک ہوچکے ہیں جبکہ زخمیوں کی سہی تعداد کے بارے میں تصدیق نہیں کی جاسکتی تاہم کچھ افراد زخمی ہوئے ہیں جنہیں اسپتال منتقل کردیا گیا ہے‘
اس سے قبل افواہیں گردش کررہی تھیں کہ دھماکہ خود کش ہے تاہم فوجی حکام نے اس بات کی تصدیق کی ہے کہ حملہ سڑک کنارے بم سے کیا گیا تھا۔
لائیو ٹی وی
تبصرے (1) بند ہیں