پاکستان میں امن و امان کی مخدوش صورتحال اور توانائی کا سنگین بحران لاکھوں محنت کشوں کا روزگار نگل گیا۔ ملک میں بے روزگاروں کی تعداد مسلسل بڑھ رہی ہے، گزشتہ مالی سال بیروزگاری کی شرح چھ فیصد کے قریب پہنچ گئی، ملک میں جاری بدامنی، توانائی کی شدید قلت، غیرملکی سرمایہ کاری میں گراوٹ، روپے کی بے قدری اور ملکی وعالمی معاشی سست روی کے باعث پاکستان میں ہزاروں افراد بیروزگار ہوگئے۔

 پانچ سال قبل بیروزگاری کی شرح پانچ اعشایہ چار فیصد تھی، جو مالی سال دوہزار بارہ میں بڑھ کر پانچ اعشاریہ نو فیصد پر پہنچ گئی۔ ماہرین کا کہنا ہے کہ چار لاکھ افراد کا بے روزگار ہونا معیشت کے لئے لمحہ فکریہ ہے۔