شامی باغیوں کا فوجی ہیڈکوارٹر پر قبضے کا دعویٰ
شامی باغی ایک ٹینک پر چڑھ کر اپنی فتح کا جشن منا رہے ہیں۔ فوٹو اے پی۔۔۔
امان: شام کے باغیوں نے دمشق کے جنوبی دروازے کے قریب واقع آرمی بٹالین کے ہیڈ کوارٹر پر قبضہ کرنے کا دعویٰ کیا ہے۔
اسلامی باغیوں کے دو گروہوں انصار الاسلام اور جنداللہ بریگیڈ نے ایک بیان میں کہا ہے کہ انہوں نے چار دن کی لڑائی کے بعد ہجرالاسود کے قریب فضائی دفاع کی بٹالین کی بیس پر قبضہ کر لیا ہے۔
جاری کی گئی ویڈیو فوٹیج کے مطابق باغیوں نے طیارہ شکن توپیں تباہ کر دی ہیں جبکہ باغیوں کے ایک کمانڈر نے واکی ٹاکی پر گفتگو کرتے ہوئے کہا کہ ہم نے کمپاؤنڈ پر مکمل قبضہ کر لیا ہے۔
باغیوں ہر قبضہ کیے جانے کی ابھی تک آزاد ذرائع سے تصدیق نہیں ہو سکی ہے۔
لائیو ٹی وی