دفاع پاکستان کے سربراہ مولان سمیع الحق راولپنڈی میں پریس کانفرنس سے خطاب کر رہے ہیں۔ فوٹو آن لائن

راولپنڈی: دفاع پاکستان کونسل نے ڈرون حملوں اور شمالی وزیرستان میں ممکنہ فوجی آپریشن کے خلاف ملک گیر احتجاجی تحریک چلانے کا اعلان کردیا۔

راولپنڈی میں دفاع پاکستان کو نسل کے سربراہی اجلاس کے بعد میڈیا کو بریفنگ میں مولانا سمیع الحق نے بتایا کہ ممکنہ فوجی آپریشن کیخلاف چوبیس ستمبر کو بنوں میں احتجاجی دھرنا دیا جائے گا۔

انہوں نے کہا کہ یکم اکتوبر کو پشاور جبکہ سات اکتوبر کو کراچی میں ملین مارچ کیا جائے گا۔

انہوں نے ڈرون حملوں کیخلاف سیاسی قیادت سے تعاون کی درخواست بھی کی۔

مولانا سمیع الحق نے کہا کہ قبائلی علاقہ جات میں  آپریشن سے پاکستان کی معاشی صورتحال خراب ہوگی۔

کونسل کے رہنماؤں نے واضح کیا کہ دفاع پاکستان کونسل سیاسی جماعت نہیں اور وہ دفاع پاکستان کے نام پر سیاست کرنا گناہ کبیرہ سمجھتے ہیں۔