لوئردیر: خوُدکُش حملہ آور مارا گیا
جنڈول پولیس اسٹیشن کے قریب ایک خودکش حملہ آور نے پولیس کی فائرنگ کے بعد خود کو دھماکے سے آڑالیا۔ فائل تصویر
پشاور: ایک خود کُش حملہ آور نے ایک پولیس اسٹیشن کے باہر خود کو اس وقت اڑالیا جب پولیس نے اس پر فائرنگ کی۔ واقعے میں مزید کوئی جانی نقصان نہیں ہوا۔
تفصیلات کے مطابق، لوئردیر کی پہاڑیوں پر واقع جنڈول پولیس اسٹیشن کے باہر یہ واقعہ پیش آیا۔ دیر میں القاعدہ اور طالبان کے عسکریت پسندوں کی بڑی تعداد موجود ہے جو سیکیوریٹی فورسز سے برسرِ پیکار ہیں۔
ایک سینیئر پولیس اہلکار اخترحیات گنڈاپور نے خبررساں ایجنسی اے ایف پی کو بتایا کہ ایک شخص پولیس اسٹیشن کی جانب بڑھ رہا تھا جب پولیس نے اسے للکارا تو وہ تیزی سے بھاگنے لگا اور جیسے ہی پولیس نے فائرنگ شروع کی اس نے خود کو آڑالیا۔ اس واقعے میں مزید کوئی جانی نقصان نہیں ہوا۔
اگرچہ طالبان کے خودکش بمبار اس طرح کے واقعات میں ملوث ہوتے ہیں لیکن اب تک کسی بھی گروہ نے واقعے کی ذمے داری قبول نہیں کی ۔
لائیو ٹی وی