سونے کی قیمتوں میں مسلسل ریکارڈ اضافے کے بعد یکدم سیکڑوں روپے کمی ہوگئی
سونے کی قیمتوں میں مسلسل ریکارڈ اضافے کے بعد فی تولہ نرخ یکدم ایک ہزار 800 روپے تنزلی سے 3 لاکھ 38 ہزار 800 ہو گئے۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ سونے کا بھاؤ 1800 روپے نیچے آ کر 3 لاکھ 38 ہزار 800 روپے پر آگیا۔
اسی طرح 24 قیراط 10 گرام سونے کے نرخ ایک ہزار 543 روپے تنزلی سے 2 لاکھ 92 ہزار 9 روپے ہو گئے جبکہ 22 قیراط 10 گرام سونا 2 لاکھ 66 ہزار 261 روپے میں فروخت ہوا۔
ادھر، فی تولہ اور 10 گرام چاندی کی قیمت 3 ہزار 234 روپے اور 2 ہزار 772 روپے پر برقرار رہی۔
ایسوسی ایشن کے مطابق عالمی منڈی میں فی اونس سونا 18 ڈالر سستا ہو کر 3 ہزار 218 ڈالر کا ہوگیا۔
واضح رہے کہ 12 اپریل کو فی تولہ نرخ ایک ہزار 800 روپے بڑھ کی تاریخ کی نئی بُلند ترین سطح 3 لاکھ 40 ہزار 600 روپے تک جا پہنچے تھے۔
24 قیراط 10 گرام سونا ایک ہزار 543 روپے مہنگا ہو کر 2 لاکھ 92 ہزار 9 روپے میں فروخت ہوا تھا۔
11 اپریل کو فی تولہ خالص سونا 10 ہزار روپے مہنگا ہو کر 3 لاکھ 38 ہزار 800 روپے کا ہو گیا تھا، 10 اپریل کو سونے کی فی تولہ قیمت میں 7800 روپے کا اضافہ ہوا تھا جس کے بعد سونے کی فی تولہ قیمت 3 لاکھ 28 ہزار 800 روپے کی بلند ترین سطح پر پہنچ گئی تھی۔
لائیو ٹی وی