سونے کی قیمتوں میں بڑی کمی ریکارڈ
ملک بھر میں آج پھر سونے کی فی تولہ قیمتوں میں بڑی کمی ہوگئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کا بھاؤ 2 ہزار روپے تنزلی سے 3 لاکھ 18 ہزار روپے پر آگیا۔
اسی طرح 24 قیراط 10 گرام سونے کے نرخ ایک ہزار 715 روپے کمی سے 2 لاکھ 72 ہزار 633 روپے ریکارڈ کیے گئے جبکہ 22 قیراط 10 گرام سونا ایک ہزار 572 روپے تنزلی سے 2 لاکھ 49 ہزار 922 روپے میں فروخت ہوا۔
ادھر، فی تولہ چاندی کی قیمت 50 روپے گر کر 3 ہزار 170 روپے جبکہ 10 گرام چاندی کی قیمت 43 روپے تنزلی سے 2 ہزار 717 روپے ہو گئی۔
ایسوسی ایشن کے مطابق عالمی منڈی میں فی اونس سونا 28 ڈالر نیچے آ کر 3 ہزار 10 ڈالر میں فروخت ہوا۔
لائیو ٹی وی