پی آئی اے کی پیرس پرواز پر مسافر کا فضائی میزبانوں پر حملہ، ملزم گرفتار
پاکستان انٹرنیشنل ایئرلائنز (پی آئی اے) کی پیرس پرواز میں مسافر نے فضائی میزبانوں پر حملے کر دیا، کپتان کی جانب سے فرانسیسی حکام کو آگاہ کرنے پر مسافر کو پولیس نے گرفتار کر لیا۔
ڈان نیوز کے مطابق گزشتہ روز پی آئی اے کی اسلام آباد سے پیرس کی پرواز پی کے 749 پر ایک مسافر نے خلاف قانون تمباکو نوشی کرنے کی کوشش کی۔
خاتون فضائی عملے کی جانب سے منع کرنے کے باوجود مسافر نے تمباکو نوشی بند نہ کی اور بدتمیزی کی۔
عملے اور کپتان کے اصرار کرنے پر مسافر نے خاتون فضائی میزبان کا بازو پکڑ کر مروڑا اور کمر پر مکہ مارا، جس سے وہ زخمی ہوگئیں۔
مسافر نے فلائیٹ سٹورٹ اور کپتان پر بھی حملہ کیا مگر انہوں نے محوظ رہ کر مسافر سے سگریٹ چھین لی۔
کپتان نے ضابطے کے مطابق فرانسیسی حکام کو دوران پرواز آگاہ گیا اور جہاز کی پیرس آمد پر مسافر کو پولیس نے گرفتار کر لیا۔
فضائی میزبانوں کے بیانات ریکارڈ کرکے اور ان کا میڈیکل کروا کے پولیس رپورٹ درج کر لی گئی۔
ترجمان پی آئی اے نے بتایا کہ فرانسیسی قوانین اس معاملے میں بہت سخت ہیں اور امید ہے کہ مسافر سے کسی قسم کی رعایت نہیں برتی جائے گی، مسافر کو پی آئی اے پر بلیک لسٹ کردیا گیا اور اب وہ دوبارہ قومی ایئرلائن پر سفر نہیں کرسکیں گے۔
لائیو ٹی وی