مصطفیٰ عامر قتل کیس: ملزم ارمغان کے والد کامران قریشی کو شامل تفتیش کرنے کا فیصلہ
پولیس نے انسداد دہشت گردی عدالت کو آگاہ کیا ہے کہ کراچی میں مصطفیٰ عامر قتل کیس کے مرکزی ملزم ارمغان قریشی کے والد کامران اصغر قریشی کو شامل تفتیش کرنے کا فیصلہ کرلیا گیا ہے۔
ڈان نیوز کے مطابق پولیس رپورٹ میں کہا گیا ہے کہ ملزم ارمغان نے مصطفیٰ کو قتل کے فوری بعد والد کو آگاہ کیا، جس پر کامران اصغر قریشی نے پولیس کو اطلاع دینے کے بجائے بیٹے کو رپوشی کا مشورہ دیا۔
پولیس رپورٹ کے مطابق ملزم ارمغان والد کے مشورے پر شیراز کے ہمراہ اسکردو اور دیگر علاقوں میں روپوش رہا۔
پراسیکیوشن ذرائع کے مطابق ارمغان کی عدالت میں والد سے تکرار ڈرامہ ہے، ملزم ارمغان نے والد کو گرفتاری سے بچنے کے لیے امریکا جانےکا کہا ہے، کامران قریشی گرفتار نہ ہوا تو کسی وقت بھی فرار ہوجائے گا۔
واضح رہے کہ انسداد دہشت گردی عدالت نے مصطفیٰ عامر قتل کیس اور صحافی پر فائرنگ کے مقدمات میں ملزم ارمغان کے جسمانی ریمانڈ میں 24 مارچ تک توسیع کردی تھی۔
لائیو ٹی وی