انگلینڈ کرکٹ بورڈ اور پی سی بی کے درمیان پلیئرز کے این او سی کا تنازع حل
انگلینڈ کرکٹ بورڈ اور پاکستان کرکٹ بورڈ (پی سی بی) کے درمیان پلیئرز کے این او سی کا تنازع حل ہوگیا۔
ڈان نیوز کے مطابق پاکستان سپر لیگ (پی ایس ایل) کے آغاز سے قبل انگلینڈ کے کھلاڑیوں اور پی سی بی میں معاملات طے پاگئے ہیں، اب انگلش پلیئرز کو پی ایس ایل میں منتخب ہونے پر انگلش بورڈ کی جانب سے این او سی ملنے میں کوئی مشکلات نہیں ہوں گی۔
انگلینڈ کرکٹ بورڈ پی ایس ایل میں منتخب ہونے والے کرکٹرز کو این او سی فراہم کرے گا، اس سے پہلے انگلش بورڈ نے اپنے پلیئرز کو پی ایس ایل میں شرکت سے روک دیا تھا۔
پاکستان سپر لیگ کا ڈرافٹ آج ہونا ہے جب کہ یہ ایونٹ پاکستان میں شیڈول آئی سی سی چیمپئنز ٹرافی 2025 کے بعد 8 اپریل سے 19 مئی تک کھیلا جائے گا۔
واضح رہے کہ اس بار 19 ممالک کے 510 کھلاڑیوں نے پی ایس ایل ڈرافٹ کے لیے رجسٹریشن کروائی ہے۔
لائیو ٹی وی