’اسکوئڈ گیم ٹو‘ کا ٹریلر ریلیز
اسٹریمنگ ویب سائٹ اینڈ فلم پروڈکشن کمپنی نیٹ فلیکس نے سروائیول ویب سیریز ’اسکوئڈ گیم‘ کے دوسرے سیزن کا ٹریلر جاری کرتے ہوئے اسے 26 دسمبر کو ریلیز کرنے کا اعلان کردیا۔
ٹریلر سے عندیہ ملتا ہے کہ اس بار شائقین کو پہلی سیریز کے مقابلے انتہائی خطرناک گیمز دیکھنے کو ملیں گے۔
ٹریلر میں پہلی سیریز کے مقابلے میں زیادہ مرکزی کرداروں کو دکھایا گیا ہے اور بعض پرانے کرداروں کی بھی واپسی ہوئی ہے۔
ویب سیریز ’اسکوئڈ گیم‘ کے پہلے سیزن کو ستمبر 2021 میں نیٹ فلیکس پر ریلیز کیا گیا تھا اور یہ چند ہی ہفتوں میں سال کی سب سے زیادہ دیکھی جانے والی سیریز بنی تھی۔
پہلے سیزن کی کامیابی کے بعد اس کے دوسرے سیزن کی ڈیمانڈ پر نیٹ فلیکس نے دسمبر 2021 میں تصدیق کی تھی کہ ’اسکوئڈ گیم‘ سیریز کے مزید دو سیزن بنائے جائیں گے۔
اب دوسرے سیزن کا ٹریلر جاری کرتے ہوئے اسے آئندہ ماہ 26 دسمبر کو ریلیز کرنے کی تصدیق کردی گئی ہے۔
سیریز کا تیسرا اور آخری سیزن آئندہ برس 2025 میں ریلیز کیا جائے گا۔
خیال رہے کہ سیریز میں مختلف کھیل اور ٹاسک کے ذریعے قرض اتارنے کے خواہش مند افراد کو گیم میں شکست پر سب کے سامنے گولی مار کر ہلاک کردیا جاتا ہے اور اسی سنسنی کی وجہ سے ہی یہ سیریز دنیا بھر میں مقبول ہوئی۔
لائیو ٹی وی