اداکارہ ایمن سلیم نے ننھے مہمان کی آمد سے متعلق بتا دیا
مقبول پاکستانی اداکارہ و ماڈل ایمن سلیم کے ہاں جلد پہلے بچے کی پیدائش متوقع ہے۔
پاکستان کے سابق کرکٹر سلیم یوسف کی صاحبزادی اور رشتے میں پاکستان کی سابق پاپ گلوکارہ نازیہ حسن کی بھانجی، ایمن سلیم نے 2021 میں نجی چینل ہم ٹی وی پر رمضان اسپیشل ڈرامے ’چپکے چپکے‘ سے ڈیبیو کیا تھا جو مداحوں میں بہت زیادہ مقبول بھی ہوا تھا۔
تاہم، 6 جولائی 2021 کو اپنے پہلے ہی ڈرامے سے مقبولیت پانے والی پاکستان کی ابھرتی ہوئی اداکارہ ایمن سلیم نے اداکاری سے کنارہ کشی کا اعلان کردیا تھا لیکن اس کی وجہ نہیں بتائی تھی۔
تاہم اگلے ہی سال فیصلہ واپس لیتے ہوئے حرا مانی اور شہزاد شیخ کے ساتھ ’ابنِ حوا‘ میں دوبارہ اداکاری شروع کردی تھی۔
انسٹاگرام پر انہوں نے بے بی بمپ کے ساتھ اپنی فوٹو شیئر کی، جس سے واضح اندازہ ہوتا ہے کہ ایمن سلیم کے ہاں جلد ہی پہلے بچے کی پیدائش متوقع ہے۔
اس پوسٹ کے بعد اداکارہ حرا مانی، منال خان، ایمن خان سمیت دیگر کی جانب سے ایمن سلیم کو مبارکباد کے پیغامات ملنا شروع ہو گئے جبکہ مداحوں نے بھی نیک تمناؤں کا اظہار کیا۔
واضح رہے کہ یکم جنوری 2024 کو مقبول اداکارہ ایمن سلیم نے سال 2023 کے اختتام پر انسٹاگرام پوسٹ کے ذریعے بتایا تھا کہ انہوں نے نکاح کرلیا ہے۔
اداکارہ کی شادی کی مختلف تقریبات کی ویڈیوز بھی وائرل ہوئی تھیں، جن میں انہوں نے خود بھی ڈانس کیا تھا۔
سوشل میڈیا پر وائرل ہونے والی مختلف ویڈیوز میں جہاں ایمن سلیم کو اپنی مہندی سمیت دیگر تقریبات میں رقص کرتے دیکھا گیا، وہیں ان کی والدہ سمیت دیگر اداکاراؤں نے بھی ڈانس کیا تھا۔
لائیو ٹی وی