عراق: فوجی اڈے پر حملے میں 7 امریکی اہلکار زخمی
عراق میں ایک فوجی اڈے پر راکٹ حملے میں 7 امریکی اہلکار زخمی ہو گئے جس نے پہلے سے ہی تناؤ کا شکار خطے میں مزید علاقائی کشیدگی بڑھنے کے خدشات میں اضافہ کردیا ہے۔
ڈان اخبار کی رپورٹ کے مطابق پیر کو عین الاسد کے اڈے پر راکٹ فائر کیا گیا، جس میں امریکی فوجیوں کے ساتھ ساتھ عسکریت پسند تنظیم داعش کے خلاف امریکی زیر قیادت اتحاد کے اہلکار بھی موجود تھے۔
امریکی دفاعی ترجمان نے کہا کہ مغربی عراق میں واقع مقام پر امریکی اور اتحادی افواج پر ایک مشتبہ راکٹ حملہ کیا گیا ہے، ابتدائی اطلاعات ہیں کہ اس حملے میں کئی امریکی اہلکار زخمی ہوئے ہیں۔
ترجمان نے مزید بتایا کہ 20اہلکار حملے کے بعد ہونے والے نقصانات کا جائزہ لے رہے ہیں جبکہ مزید معلومات دستیاب ہونے پر اپ ڈیٹس فراہم کی جائیں گی۔
وائٹ ہاؤس نے کہا کہ امریکی صدر جو بائیڈن اور نائب صدر کمالا ہیرس کو حملے کے بارے میں بریفنگ دی گئی ہے، انہوں نے ایک بیان میں کہا کہ امریکی حکام نے ان اقدامات پر تبادلہ خیال کیا جو ہم اپنی افواج کے دفاع کے لیے اٹھا رہے ہیں۔
لائیو ٹی وی