سندھ اور بلوچستان سے پولیو کے مزید 2 کیسز رپورٹ
قومی ادارہ صحت کا کہنا ہے کہ سندھ اور بلوچستان سے پولیو کے مزید 2 کیسز رپورٹ ہوئے ہیں جس کے بعد رواں سال ملک میں پولیو کیسز کی تعداد آٹھ ہوگئی ہے۔
ڈان نیوز کے مطابق قومی ادارہ صحت کے بیان میں کہا گیا کہ قلعہ عبداللہ سے دو سالہ بچے اور کیماڑی، کراچی سے تین سالہ بچی میں پولیو وائرس کی تصدیق ہوئی ہے۔
بیان میں کہا گیا کہ بچوں میں معذوری کی علامات 22 مئی اور 3 جون کو ظاہر ہوئیں، وائرس کا تعلق پولیو وائرس کے ’وائے بی تھری اے‘ کلسٹر سے ہے۔
واضح رہے کہ یہ 2024 میں قلعہ عبداللہ سے تیسرا اور کراچی سے پہلا کیس ہے۔
وزیر اعظم کی فوکل پرسن برائے پولیو عائشہ رضا فاروق نے کہا کہ اس سال ملک میں آٹھ میں سے چھ کیس بلوچستان سے رپورٹ ہوئے ہیں۔
ان کا کہنا تھا کہ بدقسمتی سے یہ وائرس پاکستانی بچوں کے لیے خطرہ بنا ہوا ہے اور وائرس کے خاتمے تک کوئی بچہ اس بیماری سے محفوظ نہیں۔
لائیو ٹی وی