نواز شریف ملک کی خیر مانگنے والا شخص ہے، شہباز شریف
مسلم لیگ (ن) کے صدر شہباز شریف نے کہا ہے کہ نوازشریف ملک کی خیر مانگنے والا شخص ہے۔
ڈان نیوز کے مطابق قصور میں جلسے سے خطاب کرتے ہوئے شہباز شریف کا کہنا تھا کہ نواز شریف کو کامیاب کریں تو ملک کو مشکل سے نکال دیں گے، ایک طرف نواز شریف کی خدمت اور دوسری طرف فراڈ ہے، ایک طرف تحمل اور برداشت اور دوسری طرف رعونت ہے، ایک طرف ایثار اور قربانی تو دوسری طرف پیسہ بٹورنے کی خواہش ہے۔
صدر مسلم لیگ (ن) نے بتایا کہ نواز شریف کے خلاف کتنی بڑی سازش ہوئی، نواز شریف نے اپنا مقدمہ اللہ پر چھوڑا تھا، انہوں نے شہدا کو گالی نہیں دی یا شہدا کی یادگاروں کو آگ نہیں لگائی، نواز شریف نے جادو ٹونے کا سہارا بھی نہیں لیا۔
لائیو ٹی وی