کراچی: مبینہ پولیس مقابلوں کے دوران 5 ملزمان زخمی حالت میں گرفتار
کراچی پولیس نے مبینہ مقابلوں کے بعد 5 ملزمان کو زخمی حالت میں گرفتار کرلیا، گلستان جوہر سے چھینی گئی گاڑی بھی 3 گھنٹے میں برآمد کرلی گئی۔
’ڈان نیوز‘ کے مطابق کلاکوٹ میں مبینہ پولیس مقابلے میں لیاری گینگ وار کے 2 ملزمان کو زخمی حالت میں گرفتار کیا گیا۔
پولیس کے مطابق ملزمان کا تعلق لیاری گینگ وار سے ہے، جن کے قبضے سے اسلحہ اور ہینڈ گرنیڈ برآمد کرلیا گیا ہے، ملزمان تاجروں کو پرچیاں دے کر بھتہ وصول کرتے تھے۔
سچل گوٹھ میں بھی فائرنگ کے تبادلے کے بعد 2 ملزمان کو زخمی حالت میں گرفتار کرلیا گیا، لیاقت آباد سے اسٹریٹ کرائم کی وارداتوں میں مطلوب ملزم کو گرفتار کرلیا گیا۔
دوسری جانب اینٹی وہیکل لفٹنگ سیل (اے وی ایل سی) نے گلستان جوہر سے چھینی گئی گاڑی 3 گھنٹوں میں سپر ہائی وے سے برآمد کرلی۔
لائیو ٹی وی