مسلم لیگ (ن) کے رہنما دانیال عزیز نے پارٹی کا شوکاز نوٹس مسترد کردیا
پاکستان مسلم لیگ (ن) کے رہنما دانیال عزیز نے پارٹی کا شوکاز نوٹس مسترد کرتے ہوئے پارٹی مؤقف رد کردیا۔
ڈان نیوز کے مطابق دانیال عزیز نے اپنے تین صفحات پر مشتمل جواب میں پارٹی مؤقف رد کرتے ہوئے کہا ہے کہ اپنے بیان پر قائم ہوں۔
انہوں نے جواب میں کہا ہے کہ پارٹی نظم و ضبط اور پالیسی کی کوئی خلاف ورزی نہیں کی، پارٹی قیادت ملاقات کا وقت دے۔
دانیال عزیز نے جواب میں کہا کہ احسن اقبال نے میرے حلقے میں اپنے بیٹے کے لیے ریلیاں کیں، میں نے احسن اقبال کی بطور وزیر منصوبہ ناکامیوں کی بات کی، ضابطے کے مطابق معاشی خرابیوں کے ذمہ دار احسن اقبال ہیں۔
لیگی رہنما کا کہنا تھا کہ مختلف آپریشنز سے گزر رہا ہوں، اس لیے بروقت جواب نہیں دے سکا۔
یاد رہے کہ پاکستان مسلم لیگ (ن) پنجاب کے صدر رانا ثنااللہ نے 2 دسمبر 2023 کو دانیال عزیز کو شوکاز نوٹس جاری کیا تھا۔
لائیو ٹی وی